Erlent

Myndband: Macron tók Merkel fram yfir Trump

Atli Ísleifsson skrifar
Emmanuel Macron Frakklandsforseti og Angela Merkel Þýskalandskanslari. Andrzej Duda er þarna eldhress fyrir aftan.
Emmanuel Macron Frakklandsforseti og Angela Merkel Þýskalandskanslari. Andrzej Duda er þarna eldhress fyrir aftan. Vísir/EPA
Emmanuel Macron Frakklandsforseti sendi Donald Trump Bandaríkjaforseta lúmst skilaboð þegar hann hálfpartinn hunsaði Trump og gekk þess í stað að Angelu Merkel Þýskalandskanslara og heilsaði henni á leiðtogafundi NATO-ríkja fyrr í vikunni. Myndband af atvikinu hefur vakið talsverða athygli.

Á myndbandinu má sjá Macron ganga að hersingu leiðtoga NATO-ríkja þar sem hann stefnir fyrst í átt að Trump sem heldur út höndunum eins og hann sé að fara að taka á móti Macon. Frakklandsforseti breytir svo skyndilega um stefnu og gengur að Merkel og heilsar henni og nokkrum þjóðarleiðtogum til viðbótar áður en röðin kemur að Trump.

Handaband Macron og Trump verður svo afskaplega ankannalegt – ekki í fyrsta sinn sem undarleg handabönd Trump og annarra þjóðarleiðtoga vekja athygli.

Sjá má myndband af atvikinu að neðan.




Fleiri fréttir

Sjá meira


×