Veiði

Veður búið að vera veiðimönnum óhagstætt

Karl Lúðvíksson skrifar
Urriði í ætisleit við yfirborðið
Urriði í ætisleit við yfirborðið

Það er óhætt að segja að veðrið sé veiðimönnum ekki hliðhollt síðustu daga en kuldi of rok hafa gert suma daga hreinlega óveiðandi.

Það er til dæmis ekki hundi út sigandi á sjóbirtingsslóðum frá Hvolsvelli að Höfn en þar hefur verið aftakaveður og engan veginn hægt að standa að veiðum af neinu tagi.  Þar hefur varla verið stætt í 4-5 daga svo veiðitölur frá þessu svæði er afar daprar eins og eðlilegt er en það er sem betur fer skaplegra veður í vændum svo þeir sem eiga bókaða daga á næstunni geta líklega andað rólega.

Ástundun við Þingvallavatn sem og önnur vötn hefur verið í algjöru lágmarki vegna veðurs en það er þó veiðanlegt þar hluta úr degi þegar lægir en urriðatíminn stendur nú sem hæst við vatnið og þess vegna margir sem vilja ólmir ná góðum dögum áður en urriðinn hverfur í dýpið.  Elliðavatn, Vífilstaðavatn og Kleifarvatn hafa verið óveiðandi bæði vegna veður en ekki síðar vegna mikils vatns en Elliðavatn er ansi bólgið og það er erfitt að eiga við það þegar staðan er þannig.  Um leið og það lægir og hlýnar fer flugnaklakið aftur í gang og yfirborðstökurnar sjást þá vel en það eru líklega einhver skemmtilegustu augnablik sem veiðimenn geta fengið þegar það er verið að kasta litlum púpum eða þurrflugum á fisk sem er í ætisleit á yfirborði vatnsins.
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira