Matur

Í eldhúsi Evu: Ítalskur vanillubúðingur með ástaraldinsósu

Eva Laufey skrifar
Ítalskur vanillubúðingur með ástaraldinsósu.
Ítalskur vanillubúðingur með ástaraldinsósu. Eva Laufey

Í þættinum Í eldhúsi Evu, sem er á dagskrá Stöðvar 2 á fimmtudögum, töfra ég fram hinar ýmsu kræsingar. Hér er uppskrift að ítölskum vanillubúðingi.

Ítalskur vanillubúðingur með ástaraldinsósu

500 ml rjómi
100 g hvítt súkkulaði
2 msk.  vanillusykur
1 tsk.  vanilluduft eða vanillukorn úr vanillustöng
2 plötur matarlím

Leggið matarlímsblöð í kalt vatn í 4-6 mínútur. Á meðan hitið þið rjóma að suðu og bætið súkkulaði saman og bræðið í rólegheitum. Hrærið í á meðan og þegar súkkulaðið er bráðnað bætið þið vanillusykri og vanilludufti saman við, í lokin kreistið þið vökvann frá matarlímsblöðum og hrærið út í vanillublönduna. Hellið í skálar og geymið í kæli að minnsta kosti í tvær til þrjár klukkustundir, best yfir nótt.

Ástaraldinsósa
3 ástaraldin
3 tsk. flórsykur

Skafið innan úr ástaraldininu og blandið saman við smá flórsykur, setjið yfir vanillubúðinginn áður en þið berið hann fram og njótið strax.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira