Matur

Í eldhúsi Evu: Spicy grænmetissúpa

Eva Laufey skrifar
Spicy grænmetissúpa.
Spicy grænmetissúpa. Eva Laufey

Í þættinum Í eldhúsi Evu, sem er á dagskrá Stöðvar 2 á fimmtudögum, töfra ég fram dýrindis kræsingar. Hér er uppskrift að spicy grænmetissúpu.

Spicy grænmetissúpa

1 msk. olía
1 laukur
2 hvítlauksrif
1 rauð paprika
½ spergilkálshöfuð
5-6 gulrætur
350 g hakkaðir tómatar í krukku eða dós
1-2 msk. tómatpúrra
1,5 l kjúklingasoð (soðið vatn + 2 kjúklingateningar)
1 tsk. paprikukrydd
½ tsk. cumin-krydd
½ tsk. þurrkaður kóríander
1 tsk. karrí
Salt og pipar

Hitið olíu í potti, skerið grænmetið mjög smátt og steikið í smá stund eða þar til grænmetið verður mjúkt. Bætið kjúklingasoði, hökkuðum tómötum og tómatpúrru saman við. Kryddið til með þeim kryddum sem talin eru upp hér að ofan og leyfið súpunni að malla í lágmark 30 mínútur. Mér finnst súpan alltaf betri ef hún fær að malla svolítið lengi.

Meðlæti með súpunni
1 msk. olía
Tortillakökur, skornar í litla bita
Sýrður rjómi
Lárpera
Ferskur kóríander
Hreinn fetaostur

Hitið olíu við vægan hita á pönnu, skerið tortillakökurnar í litla bita og steikið á pönnu í 1- 2 mínútur eða þar til kökurnar eru gullinbrúnar.
Berið súpuna fram með stökkum tortillavefjum, smátt skorinni lárperu, smátt söxuðum kóríander, sýrðum rjóma og hreinum fetaosti.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira