Bílar

Flottasta bílasalan

Finnur Thorlacius skrifar
Mjög athygliverð bygging sem tekur ekki mikið landrými.
Mjög athygliverð bygging sem tekur ekki mikið landrými.

Þessi sérstaka bílasala var opnuð Í Singapore fyrir skömmu en þar eru seldir notaðiur lúxusbílar, t.d. af gerðunum Bentley, Ferrari, Porsche og Lamborghini. Bílasalan er 15 hæða og rúmar 60 bíla og eigendur hennar segja að þarna fari „heimsins stærsti bílasjálfsali“.

Þeir sem vilja virða fyrir sér þá bíla sem bílasalan er að selja hverju sinni þurfa aðeins að velja númer bílsins sem berja á augum á snertiskjá og hann birtist á einni til tveimur mínútum. Eigandi bílasölunnar, sem fékk nafnið Autobahn Motors, sagði að ekki einungis hafi bílasalan þurft að rúma marga bíla á litlu rými og því byggð á hæðina, heldur var einnig meiningin að vera frumlegur og uppfinningasamur við smíði hennar.

Það virðist hafa tekist í þessu tilfelli, því hún hefur nú þegar vakið mikla athygli þó engum sögum fari af sölunni hingað til. Meðfylgjandi myndskeið sýnir best virkni bílasölunnar óvenjulegu.

Fremur áberandi í húsaröðinni.
Í Singapore finnast væntanlega margir kaupendur af bílum eins og þarna eru seldir.


Fleiri fréttir

Sjá meira