Bílar

Bestu tilþrifin frá torfærunni á Hellu

Finnur Thorlacius skrifar
Bílunum var ekki hlíft í tofærunni á Hellu um helgina.
Bílunum var ekki hlíft í tofærunni á Hellu um helgina.

Það voru 3.200 spenntir áhorfendur sem mættu á fyrstu torfæru sumarsins sem fram fór á Hellu á laugardaginn. Eknar voru sex brautir. Fyrstu þrjár þeirra voru hefðbundnar brautir. Síðan kom að tímabraut og þá önnur tímabraut í ánni og að lokum mýrin fræga sem síðasta braut. Keppnin gekk mjög vel fyrir sig og sólin lét sjá sig vel, en reyndar var þónokkur vindur meðan á mótinu stóð.

Í götubílaflokki mætti Ragnar Skúlason á Íslandsmeistarabílnum sem Ívar Guðmundsson hefur verið á löngum. Ragnar er fyrrverandi Íslandsmeistari árin 1992 og 1994. Hann var með forystuna lengi vel en velti í tímabrautinni og Eðvald Orri fór þar með upp í fyrsta sætið.

Í sérútbúna flokknum var það Guðmundur Ingi Arnarson sem vann nokkuð örugglega eftir að Atli Jamil, sem var með forystuna fyrir tímabraut, velti í henni og Geir Evert Grímsson stoppaði í mýrinni. Guðmundur Ingi var í öðru sæti í Íslandsmótinu í fyrra. Elías Guðmundsson hafnaði í 3. sæti í sinni annarri keppni. Hann fékk lánaðan bíl frá Akureyri í fyrra, en hann fjárfesti í bíl frá Noregi fyrir keppnisröðina í ár og var að keppa í sinni fyrstu keppni á nýja bílnum.

Árni Kópsson mætti heldur betur til leiks og sýndi og sannaði að hann hefur engu gleymt. Hraðametið á ánni er 87 km hraði, Guðbjörn Grímsson setti það árið 2014. Árni náði 84 km hraða. Frábært var að fylgjast með endurkomu hans í þessari keppni. Gestur J. Ingólfsson fékk tilþrifaveðlaunin. Næsta torfærukeppni fer svo fram í Stapafelli á Reykjanesinu laugardaginn 27. maí. Úrslitin í keppninni á Hellu urðu þessi og myndband unnið af Jakob C frá keppninni má finna að neðan:

Sérútbúnir bílar

1.796     1       Guðmundur Ingi Arnarson   Ljónið
1.579     2       Magnús Sigurðsson              Kubbur
1.566     3       Elías Guðmundsson             Ótemjan
1.385     4       Geir Evert Grímsson            Sleggjan
1.364     5       Þór Þormar Pálsson              THOR
1.350     6       Atli Jamil Ásgeirsson           Thunderbolt
1.267     7       Arnar Elí Gunnarsson           Allin
1.233     8       Gestur Jón Ingólfsson           Draumurinn
1.231     9       Árni Kópsson                       Heimasætan
1.042   10      Ingólfur Guðvarðarson         Guttinn Reborn
   808    11      Aron Ingi Svansson              Zombie
   710    12      Valdimar Jón Sveinsson       Crash Hard
   683    13      Birgir Sigurðsson                  General doctorinn

Götubílaflokkur

1.492          1     Eðvald Orri Guðmundsson   Pjakkurinn

1.220          2     Ragnar Skúlason                  Kölski   

   910          3     Haukur Birgisson                 Þeytingur   

   560          4     Steingrímur Bjarnason        Strumpurinn   

   150          5      Sveinbjörn Reynisson         Bazooka



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira