Erlent

Japönsk prinsessa afsalar sér titlum fyrir ástina

Atli Ísleifsson skrifar
Mako er 25 ára gömul og elsta barnabarn Akihitos keisara.
Mako er 25 ára gömul og elsta barnabarn Akihitos keisara. Vísir/AFP
Meðlimur í japönsku keisarafjölskyldunni, prinsessan Mako, mun verða svipt öllum konunglegum titlum á næstunni, en hún hyggst giftast manni sem er af almúgaættum.

Mako er 25 ára gömul og elsta barnabarn Akihitos keisara. Unnusti hennar er lögfræðingurinn Kei Komuro, en þau kynntust á veitingastað þegar þau voru saman í háskóla í Tokýó árið 2012.

Lög japönsku hirðarinnar eru afar ströng þegar kemur að svona hlutum og er óumdeilt að Mako verði að afsala sér stöðu sinni innan keisaraættarinnar kjósi hún að giftast almúgamanninum.




Fleiri fréttir

Sjá meira


×