Íslenski boltinn

Schiötharar brutu silfurskeiðina og ætla að brjóta fleiri

Óskar Ófeigur Jónsson skrifar
Silfurskeiðin brotin.
Silfurskeiðin brotin. Mynd/Twitter@Schiotharar

Schiötharar, stuðningsmannasveit KA-manna, í fótboltanum hafa eins og lið þeirra sett mikinn svip á fyrstu umferðir Pepsi-deildar karla í fótbolta.

KA-liðið hefur náð í sjö stig af níu mögulegum og er enn taplaust eftir þrjár fyrstu umferðir liðsins í efstu deild í þrettán ár.

Það er mikill félagsrembingur í stuðningsmannasveit Schiöthara eins og á vel við sveit eins og hana og nú hafa menn þar á bæ sett stefnuna á að sækja stig í Garðbæinn á sunnudagskvöldið.

KA-menn heimsækja þá Stjörnumenn á Samsung völlinn en þarna mætast liðin í fyrstu tveimur sætum deildarinnar. Stjarnan hefur sjö stig eins og KA-liðið en hefur skorað þremur mörkum meira og er ofar en KA á markatölu.

Aðalsteinn Tryggva, meðlimur í stuðningsmannasveit KA sendur skýr skilboð til Garðabækarliðsins á twitter: „Schiötharar munu brjóta silfurskeiðar á sunnudagskvöldið,“ skrifar Aðalsteinn og vísar í táknræna mynd af Twitter-síðu sveitarinnar sem sjá má hér fyrir neðan.





Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira