Innlent

Björguðu konu úr sjálfheldu í Esju

Tryggvi Páll Tryggvason skrifar
Esjan.
Esjan. Vísir/Vilhelm

Björgunarsveitir af höfuðborgarsvæðinu voru kallaðar út klukkan rétt rúmlega eitt í dag vegna konu sem var í sjálfheldu í Esju.

Var hún á hinni hefðbundnu gönguleið en komin efst í Þverfellshornið, í klettabelti og komst hvorki lönd né strönd.

Svo vel vildi til að á gönguleiðinni var björgunarsveitarmaður og fór hann strax til aðstoðar ásamt félaga sínum.

Komu þeir konunni úr klettunum og eru þau nú á leið niður á bílastæði.




Fleiri fréttir

Sjá meira