Golf

Ólafía Þórunn úr leik

Ingvi Þór Sæmundsson skrifar
Ólafía Þórunn komst ekki í gegnum niðurskurðinn.
Ólafía Þórunn komst ekki í gegnum niðurskurðinn. mynd/golf.is/seth

Ólafía Þórunn Kristinsdóttir er úr leik á Kingsmill Championship mótinu sem fer fram í Williamsburg í Virginíu. Mótið er hluti af LPGA-mótaröðinni í golfi.

Ólafía Þórunn lék hringinn í dag á tveimur höggum yfir pari, á sama skori og í gær. Hún er því á fjórum höggum yfir pari sem dugar ekki til að komast í gegnum niðurskurðinn.

Ólafía Þórunn var í vandræðum á fyrri níu holunum og var á þremur höggum yfir pari eftir þær.

Hún náði sér betur á strik á seinni níu holunum. Þar fékk Ólafía Þórunn þrjá fugla en tvöfaldur skolli á 13. holu gerði henni erfitt fyrir.

Ólafía Þórunn verður næst á ferðinni í Detroit um næstu helgi.


Tengdar fréttir

Ólafía Þórunn á tveimur höggum yfir pari

Ólafía Þórunn Kristinsdóttir lék á tveimur höggum yfir pari á fyrsta degi Kingsmill Championship mótinu í Williamsburg í Virginíu. Mótið er hluti af LPGA-mótaröðinni í golfi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira