Veiði

Síðasta opna húsið hjá SVFR í vetur

Karl Lúðvíksson skrifar

Opnu Húsin hjá SVFR eru fastur liður í félagsstarfi félagsins og síðasta Opna Húsið er eins og venjulega það veglegasta enda trekkja vinningarnir í Happahylnum marga að.

Kvöldið er haldið að venju í Rafstöðvarheimilinu í Elliðaárdalnum. Dagskráin er klár og er hún svohljóðandi:

  • Húsið opnar kl. 19:00 og verður grillvagn á staðnum og munu kokkar sjá um að grilla borgara í mannskapinn. Sennilega er best að koma með stóra beltið og tóman maga. Verð á borgara verður 1.000 kr.
  • Þorsteinn Stefánsson veiði- og leiðsögumaður mun segja okkur frá veiði í Þingvallavatni fyrir landi þjóðgarðsins. Frábært innlegg nú þegar Þingvallavatn er að vakna til lífsins
  • Það er fátt skemmtilegra en góðar veiðisögur og mun Guðrún Hólmgeirsdóttir veiðikona, heimspekingur og skáld sjá um þann þátt.
  • Pub Quiz um veiði
  • Reiða Öndin verður á staðnum með kynningu á sínum vörum
  • Veiðivon verður með veiðivörukynningu
  • Vínkynning verður einnig fyrir áhugasama. Sennilegast best að skilja bílinn eftir heima.
Umfram allt stefna félagsmenn á að skemmta sér vel saman og halda uppi einstaklega góðri stemmningu. SVFR biðlar því til félagsmanna sem og annars áhugafólks um stangveiði að fjölmenna á þetta síðasta opna hús vetrarins þar sem veiðimenn koma saman og taka á móti sumri segir í tilkynningu frá félaginu.
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira