Veiði

Veiðimenn kvarta undan litlu eftirliti við Elliðavatn

Karl Lúðvíksson skrifar
Við Elliðavatn.
Við Elliðavatn. Mynd: Trausti Hafliðason

Það var fámennt í morgun við Elliðavatn en veiði hófst í vatninu í dag sumardaginn fyrsta við heldur kuldalegar aðstæður.

Það er þó einhver veiði en einn ágætur veiðimaður var kominn með tvo urriða í morgun sem tóku báðir Orange Nobbler að sögn veiðimanns en báðir fiskarnir voru um 2 pund og ágætlega haldnir.  Þeir veiðimenn sem Veiðivísir ræddi við í morgun voru þó mest í því að halda á sér hita, þeir sem kasta flugu voru orðnir frekar dofnir í puttunum og tveir sem létu maðkinn liggja úti sátu bara í bílnum og með miðstöðina í botni.

Það er þó annað sem allir nefndu og það er skortur á eftirliti við vatnið en um páskana voru nokkrir við veiðar í vatninu og undantekningalaust með makríl eða hrogn sem beitu.  Þegar gengið var á þessa veiðiþjófa pökkuðu þeir saman og fóru en ekki fyrr en eftir að hafa látið í sér heyra á frekar ókurteisan máta.  Það er samróma álit þeirra sem veiða við vatnið að þarna þarf að bæta um betur og það sem fyrst. Umgengin við vatnið er líka slæm á mörgum stöðum og eru veiðimenn beðnir um að ganga vel um svæðið og skilja ekki rusl og girni eftir við bakkann.  Nú fer varp að hefjast og þegar ungarnir komast á legg er girnið þeim skeinuhætt.  



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira