Sport

Trump minntist ekki á Tom Brady

Henry Birgir Gunnarsson skrifar
Trump með þeim leikmönnum og starfsmönnum Patriots sem höfðu áhuga á að mæta til hans.
Trump með þeim leikmönnum og starfsmönnum Patriots sem höfðu áhuga á að mæta til hans. vísir/getty

Um 30 leikmenn NFL-meistara New England Patriots mættu ekki í Hvíta húsið í gær í móttöku hjá Donald Trump forseta.

Margir þeirra mættu ekki af andstöðu við forsetann sem er þeim ekki að skapi.

Aðalstjarna Patriots, Tom Brady, mætti ekki og kom það mikið á óvart enda eru hann og Trump vinir til margra ára. Brady hefur þó forðast það eins og heitan eldinn að tala um Trump síðustu mánuði.

Í yfirlýsingu frá Brady sagði hann að fjölskylduástæður hefðu verið ástæðan fyrir fjarveru hans.

Trump var greinilega mjög meðvitaður um hvaða stjörnur liðsins vantaði því hann passaði sig á því að minnast ekki á þá leikmenn í ræðu sinni. Hann minntist ekki einu sinni á Brady. Var greinilega fúll yfir því að Brady hefði ekki látið sjá sig.

Forsetinn gerði þó ein mistök er hann kallaði á útherjann Danny Amendola og ætlaði að hrósa honum. Kom þá í ljós að Amendola var einn þeirra sem lét ekki sjá sig.

Þjálfari og eigandi Patriots eru þó miklir vinir Trump og sáu til þess að forsetanum leið vel. Hann þakkaði þeim að sama skapi fyrir allan stuðninginn.

Trump heilsar Bill Belichick þjálfara og Robert Kraft, eigandi Patriots, heldur á treyjunni með forsetanum. Þeir eru allir miklir vinir. vísir/getty
NFL


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira