Innlent

Orri Harðarson er bæjarlistamaður Akureyrar

Anton Egilsson skrifar
Aftari röð frá vinstri: Fanney Hauksdóttir, Þóra Sif Sigurðardóttir forstöðumaður Lögmannshlíðar, Edda Friðgeirsdóttir og Kristinn Björnsson. Fyrir framan þau sitja Jenný Karlsdóttir og Orri Harðarson.
Aftari röð frá vinstri: Fanney Hauksdóttir, Þóra Sif Sigurðardóttir forstöðumaður Lögmannshlíðar, Edda Friðgeirsdóttir og Kristinn Björnsson. Fyrir framan þau sitja Jenný Karlsdóttir og Orri Harðarson. Mynd: Ragnar Hólm Ragnarsson
Rithöfundurinn og tónlistarmaðurinn Orri Harðarsson er bæjarlistarmaður Akureyrar 2017-2018. Tilkynnt var um valið á Vorkomu Akureyrarstofu í dag.

Í fréttatilkynningu frá Akureyrarbæ segir að Orri eigi að baki langan feril sem tónlistarmaður en að á síðustu ári hafi hann snúið sér að ritlistinni. Hann hefur gefið út nokkrar skáldsögur og er með fleiri í bígerð auk þess sem lagasmíðar fyrir nýja plötu eru hafnar.

Einng var veitt­ viður­kenn­ing­ úr Hús­vernd­ar­sjóði og var hún veitt þeim Kristni Björnssyni og Eddu Friðgeirsdóttur fyrir viðgerðir og endurbætur á Aðalstræti 32 sem er eitt þeirra fallegu húsa sem prýða Innbæinn á Akureyri.

Þá voru veitt bygg­ingarlistar­verðlaun og féllu þau í hlut Fanneyjar Hauksdóttur arkitekts fyrir hjúkrunarheimilið Lögmannshlíð sem þykir hafa heppnast afar vel með tilliti til þeirrar starfsemi sem þar fer fram en á heimilinu er unnið eftir svokallaðri Eden-stefnu.

Þar að auki var veitt heiður­sviður­kenn­ing Menn­ing­ar­sjóðs og er hún veitt ein­stak­ling­i sem hefur með fram­lagi sínu stutt við og auðgað menn­ing­ar­líf bæj­ar­ins. Í ár varð fyrir valinu handverkskonan Jenný Karlsdóttir en hún hefur lagt mikið af mörkum við að varðveita og upphefja íslenska menningararfinn. Jenný hefur um langa hríð safnað munstrum og gert þau aðgengileg fyrir almenning.




Fleiri fréttir

Sjá meira


×