Viðskipti innlent

Hlutabréf í N1 taka kipp

Sæunn Gísladóttir skrifar
Árshlutareikningur 1. ársfjórðungs 2017 verður birtur 26. apríl næstkomandi.
Árshlutareikningur 1. ársfjórðungs 2017 verður birtur 26. apríl næstkomandi. Vísir/Vilhelm

Gengi hlutabréfa í N1 hafa hækkað um 3,88 prósent í 198 milljón króna viðskiptum í dag. Líklega má rekja hækkunina til þess að félagið tilkynnti í morgun að EBITDA spá hefði verið hækkuð um 100 milljónir.

Í tilkynningu með upplýsingum í aðdraganda árshlutauppgjörs fyrsta ársfjórðungs 2017 kemur fram að samkvæmt drögum að uppgjöri 1. ársfjórðungs 2017 hjá N1 hf. er EBITDA um 520 milljónir króna samanborið við 374 milljónir króna á sama fjórðungi 2016.

Umferð á þjóðvegum landsins jókst um 14,1 prósent á milli fyrsta ársfjórðungs 2016 og 2017 og skilaði það sér í aukinni sölu á bifreiðaeldsneyti sem jókst um 8,7 prósent í magni á milli tímabila. Jafnframt var þróun á olíuverði félaginu hagstæð á fjórðungnum auk þess sem að önnur vörusala skilaði afkomu umfram áætlanir.

Í ljósi afkomu 1. ársfjórðungs hefur EBITDA spá félagsins verið hækkuð um 100 milljónir króna eða í 3.500 - 3.600 milljónir króna. Það skal þó áréttað að rekstur N1 er sveiflukenndur og árstíðabundinn en stærsti hluti EBITDA fellur til á 2 og 3. ársfjórðungi hvers árs. 

Árshlutareikningur 1. ársfjórðungs 2017 verður birtur 26. apríl næstkomandi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIM
0,8
1
12.675
GRND
0,3
1
16.800
N1
0,22
3
58.476
SIMINN
0
1
1.048

Mesta lækkun dagsins


Félag
Br.%
Fjöldi
Velta*
ICEAIR
-2,91
12
106.942
EIK
-1,5
3
30.747
REITIR
-1,04
2
59.850
SKEL
-0,76
4
52.495
SJOVA
-0,6
1
16.550