Fótbolti

Félagaskiptagúrúinn Monchi til Roma

Ingvi Þór Sæmundsson skrifar
Á valdatíð Monchis vann Sevilla níu stóra titla.
Á valdatíð Monchis vann Sevilla níu stóra titla. vísir/getty
Félagaskiptagúrúinn Ramón Rodríguez Verdejo, eða Monchi, hefur skrifað undir fjögurra ára samning við Roma.

Monchi er nýhættur hjá Sevilla þar sem hann starfaði í 17 ár, lengst af sem íþróttastjóri.

Monchi þykir afar fær í sínu starfi en hjá Sevilla gerði hann það að listgrein að finna góða og ódýra leikmenn og selja þá svo fyrir miklu hærri upphæðir.

Undanfarin ár hefur Sevilla alltaf misst sína bestu leikmenn en samt náð eftirtektarverðum árangri. Á valdatíma Monchi vann Sevilla níu stóra titla, þ.á.m. Evrópudeildina fimm sinnum.

Þegar ljóst var að Monchi ætlaði að hætta hjá Sevilla voru mörg lið sem báru víurnar í hann. Að lokum var það Roma sem náði í þennan 48 ára gamla Spánverja.


Tengdar fréttir




Fleiri fréttir

Sjá meira


×