Sport

Peterson semur við Dýrlingana

Henry Birgir Gunnarsson skrifar
Adrian Peterson.
Adrian Peterson. vísir/getty
Einn besti hlaupari NFL-deildarinnar, Adrian Peterson, hefur ákveðið að semja við New Orleans Saints.

Hinn 32 ára gamli Peterson var laus allra mála eftir að Minnesota Vikings lét hann fara eftir tíu ár hjá félaginu. Hann mun skrifa undir eins árs samning við Dýrlingana og fær fyrir 3,5 milljónir dollara eða 375 milljónir króna.

„Ég er mjög spenntur fyrir þessu skrefi. Mér fannst þetta vera rétta liðið fyrir mig. Fjölskyldan var á sama máli,“ sagði Peterson.

Hann hljóp aðeins 37 sinnum síðasta vetur þar sem hann meiddist illa í september.

Peterson hefur sjö sinnum verið valinn í stjörnuleik NFL-deildarinnar, Pro Bowl, og fjórum sinnum komist í úrvalslið deildarinnar.

Fyrsti leikur Peterson með sínu nýja félagi verður auðvitað á hans gamla heimavelli í Minneapolis.

NFL



Fleiri fréttir

Sjá meira


×