Enski boltinn

Jón Daði tekinn af velli í hálfleik

Ingvi Þór Sæmundsson skrifar
Jón Daði og félagar hafa ekki náð í mörg stig að undanförnu.
Jón Daði og félagar hafa ekki náð í mörg stig að undanförnu. vísir/getty
Jón Daði Böðvarsson lék fyrri hálfleikinn þegar Wolves tapaði 0-1 fyrir Huddersfield í ensku B-deildinni í kvöld.

Jón Daði fékk tækifæri í byrjunarliðinu í kvöld en var tekinn af velli í hálfleik. Íslenski landsliðsframherjinn hefur aðeins skorað þrjú mörk í 39 deildarleikjum á tímabilinu.

Isaiah Brown skoraði eina mark leiksins á 31. mínútu. Með sigrinum komst Huddersfield upp í 3. sæti deildarinnar en liðið er á leið í umspil um sæti í ensku úrvalsdeildinni.

Úlfarnir eru hins vegar í 15. sæti deildarinnar.




Fleiri fréttir

Sjá meira


×