Enski boltinn

Pogba spilar ekki gegn Man. City

Henry Birgir Gunnarsson skrifar
Pogba verður í stúkunni annað kvöld.
Pogba verður í stúkunni annað kvöld. vísir/getty
Jose Mourinho, stjóri Man. Utd, staðfesti á blaðamannafundi í dag að Paul Pogba verði ekki með Man. Utd gegn Man. City annað kvöld.

Pogba er meiddur og hefur ekki náð sér í tíma. Ander Herrera er aftur á móti klár í slaginn. Sömu sögu er að segja af Antonio Valencia en hann er aftur klár eftir að hafa jafnað sig af meiðslum.

Þetta er gríðarlega mikilvægur leikur fyrir bæði lið. City er í fjórða sæti deildarinnar aðeins stigi á undan United.

Leikurinn hefst klukkan 19.00 annað kvöld og verður í beinni á Sport 2.




Fleiri fréttir

Sjá meira


×