Fótbolti

Dortmund í úrslitaleikinn eftir sigur á Allianz Arena

Ingvi Þór Sæmundsson skrifar
Dembélé skoraði sigurmark Dortmund.
Dembélé skoraði sigurmark Dortmund. vísir/getty
Það verður Borussia Dortmund sem mætir Frankfurt í úrslitaleik þýsku bikarkeppninnar.

Þetta var ljóst eftir 2-3 sigur Dortmund á Bayern München á Allianz Arena í kvöld.

Marco Reus kom Dortmund yfir á 19. mínútu en Javi Martínez jafnaði metin níu mínútum síðar.

Fjórum mínútum fyrir hálfleik kom Mats Hummels Bayern svo yfir þegar hann skoraði gegn sínum gömlu félögum.

Pierre-Emerick Aubameyang jafnaði metin á 69. mínútu og fimm mínútum síðar skoraði Ousmane Dembélé sigurmark Dortmund.




Fleiri fréttir

Sjá meira


×