Viðskipti innlent

Verkís opnar starfstöð í Stykkishólmi

Atli Ísleifsson skrifar
Starfsstöðin er í húsi lögreglu og sýslumanns Vesturlands á Borgarbraut 2.
Starfsstöðin er í húsi lögreglu og sýslumanns Vesturlands á Borgarbraut 2. Verkís
Verkís hefur opnað starfsstöð í Stykkishólmi í húsi lögreglu og sýslumanns Vesturlands á Borgarbraut 2.

Í tilkynningu segir að með opnuninni ætli Verkís að styrkja net starfsstöðvanna í þeirri viðleitni að auka þjónustu fyrirtækisins á Snæfellsnesi og nærliggjandi sveitarfélögum. 

„Starfsstöðin í Stykkishólmi mun styðja við aðra starfsemi verkfræðistofunnar á landsbyggðinni en Verkís er nú þegar með starfsemi á Akranesi, Borgarnesi, Ísafirði, Patreksfirði, Akureyri, Húsavík, Egilsstöðum og Selfossi.  Útibússtjóri Verkís í Stykkishólmi er Gísli Karel Halldórsson.

Starfsmaður Verkís á starfsstöðinni í Stykkishólmi er Dóra Lind Pálmarsdóttir, byggingartæknifræðingur. Dóra Lind og Gísli Karel eru bæði innfæddir Snæfellingar,“ segir í tilkynningunni.






Fleiri fréttir

Sjá meira


×