Innlent

Skrítið ef Ólafur fengi ekki að tjá sig

Þórgnýr Einar Albertsson skrifar
Brynjar Níelsson.
Brynjar Níelsson. vísir/vilhelm

Ólafur Ólafsson fjárfestir hefur farið fram á það við Brynjar Níelsson, formann stjórnskipunar- og eftirlitsnefndar Alþingis, að fá að tjá sig fyrir nefndinni um einkavæðingu Búnaðarbankans.

Í yfirlýsingu frá í gær segir Ólafur að hann hafi farið yfir öll aðgengileg gögn er tengjast málinu síðan skýrslan kom út. Hann telji mikilvægt að kasta ljósi á nýjar upplýsingar sem hann hafði ekki fengið aðgang að áður.

Brynjar Níelsson segir að það verði auðvitað rætt í nefndinni hvort hann fái að koma fyrir hana og tjá sig.

„Sjálfur sé ég því ekkert til fyrirstöðu að hann fái að tjá sig. Hann sem er nú kannski aðalpersónan í þessari rannsóknarskýrslu. Það væri mjög skrítið ef nefndin kæmist að því að hann mætti ekki koma fyrir nefndina og tjá sig,“ segir Brynjar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira