Enski boltinn

Mata ekki meira með í vetur

Ingvi Þór Sæmundsson skrifar
Mata er næstmarkahæsti leikmaður Man Utd á tímabilinu.
Mata er næstmarkahæsti leikmaður Man Utd á tímabilinu. vísir/getty
Juan Mata spilar ekki meira með Manchester United á tímabilinu. Þetta staðfesti José Mourinho, knattspyrnustjóri United, eftir 1-1 jafnteflið við Anderlecht í gær.

Mata gekkst undir aðgerð á nára í síðasta mánuði og vonir voru bundnar við að hann myndi ná síðustu leikjum tímabilsins.

Nú er ljóst að ekkert verður af því en Mourinho sagði að Mata yrði ekki klár fyrr en undir lok maí, þegar tímabilið er búið.

Mata er næstmarkahæsti leikmaður United á tímabilinu en Spánverjinn hefur skorað 10 mörk í öllum keppnum í vetur.

United tekur á móti Chelsea á páskadag. Strákarnir hans Mourinhos eru í 5. sæti ensku úrvalsdeildarinnar.


Tengdar fréttir




Fleiri fréttir

Sjá meira


×