Umfjöllun og viðtöl: ÍBV - Valur 26-27 | Valsmenn komnir í undanúrslit Gabríel Sighvatsson í Eyjum skrifar 15. apríl 2017 19:30 Valsmenn eru komnir í undanúrslit. vísir/andri marinó Valur er kominn í undanúrslit Olís-deildar karla eftir ótrúlegan eins marks sigur, 26-27, á ÍBV í oddaleik í Eyjum í dag. Stemningin í húsinu var rosaleg fyrir leik og var húsið þegar orðið fullt næstum klukkutíma fyrir leik. Margir töldu ÍBV vera sigurstranglegra liðið í þessar viðureign og jafnvel öllu mótinu. Annað kom þó á daginn. Eyjamenn byrjuðu leikinn af krafti. Fyrri hálfleikurin spilaðist frábærlega hjá þeim og þeir voru tveimur mörkum yfir í hálfleik 16-14 en munurinn hefði hæglega getað orðið meiri. Vendipunktur leiksins var líklega í byrjun seinni hálfleiks þegar Josip Juric Grgic fékk að líta beint rautt spjald fyrir spark á viðkvæman stað hjá Róberti Aroni Hostert að því er virtist. Josip hafði verið gríðarlega öflugur í leiknum og bjóst maður við að ÍBV myndi ganga á lagið og klára leikinn. Valsmenn skoruðu þá þrjú mörk í röð og jöfnuðu leikinn. Þá voru 20 mínútur eftir og heilt yfir var Valur sterkari aðilinn það sem eftir lifði leiks. Liðin skiptust á að skora en það var ekki fyrr á 56. mínútu sem Valur komst yfir í leiknum. Á síðustu mínútu skoraði Sveinn Aron Sveinsson sigurmarkið fyrir Val þar sem Sigurbergur Sveinsson lét verja frá sér í síðustu sókn Eyjamanna. Gleði Valsmanna var ósvikin en Eyjamenn sátu eftir í sárum þar sem tímabili þeirra er lokið í ár. Valur fer í undanúrslit og mætir Fram sem vann hádramatískan sigur á Haukum á sama tíma.Óskar Bjarni: Enginn draumur að mæta ÍBV Óskar Bjarni Óskarsson, annar þjálfara Vals, var hæstánægður eftir sigurinn á ÍBV. „Eyjamenn eru með flott lið og þessi leikur var stórkostlegur. Þeir virtust alltaf vera skrefi á undan en svo komumst við einu marki yfir og setjum pressuna á Eyjamenn og við náðum að sigla þessu heim,“ sagði Óskar Bjarni eftir leik. Valsmenn hafa yfirleitt verið undir mestmegnis af leikjunum, var það planið í dag að vera nokkrum undir og eiga nóg eftir á lokamínútunum? „Já, það var þannig, mér fannst við vera verri í fyrsta leiknum en við viljum alveg vera 2-3 mörkum undir í hálfleik, það er allt í lagi en þeir eru svo fljótir að fara í í 6-7. Þetta snýst stundum um að reyna að halda ró og halda í þá, þó það þýði ekki endilega að þú vinnir þá þannig,“ sagði Óskar Bjarni. „Við náðum betri varnarleik í seinni hálfleik, það er erfitt að spila á móti sjö sóknarmönnum, mér finnst þeir útfæra það mjög vel. Þeir eru með menn sem geta skorað úr öllum stöðum, það kom smá neisti í okkur þegar við fáum rauða spjaldið.“ Margir Eyjamenn náðu sér ekki á strik í dag og markvarslan í seinni hálfleik var mjög léleg sem Valsmenn nýttu sér. „Við skutum nokkuð vel, ég hélt að Stephen myndi loka þessu þegar hann kom aftur inn. Kolli átti nokkrar góðar vörslur en Bubbi var sigurvegari markmannanna í dag, 45 ára eitthvað svoleiðis. Hann verður bara betri og betri ef hann fær að spila hálftíma og hálftíma,“ sagði Óskar Bjarni. Fyrirfram var ÍBV talið sigurstranglegra liðið og sagði Óskar að það hefði hentað sínu liði ágætlega. „Það er oft erfitt fyrir okkur Íslendingana að vera í þessari stöðu, ÍBV var að mínu mati liðið sem þurfti að fara í gegnum hvort það sem það var í 8-liða eða undanúrslitum. Það er þægilegra að þurfa bara að vinna þá tvisvar og eru líklega með sterkasta byrjunarliðið,“ sagði Óskar Bjarni. „Þeir voru rosa heitir fyrir úrslitakeppnina þannig að þetta var enginn draumur, ég skal viðurkenna það. Fyrir okkur er þetta líka erfitt andlega því við erum að fara í undanúrslit Evrópukeppni næsta laugardag. Þetta er skemmtilegt vandamál sem við erum að glíma við.“ Óskar Bjarni sagði að hann hefði þegið þetta fyrir mót. „Að sjálfsögðu, við getum oft verið sjálfum okkur verstir en þegar við náum að halda planinu okkar þá erum við mjög góðir,“ sagði þjálfarinn. Josip Juric Grgic fékk að líta rauða spjaldið í upphafi seinni hálfleik en það virtist gefa gestunum byr undir báða vængi. „Ég sá ekki brotið hjá honum þannig að ég get ekki tjáð mig um það en við höfum góða breidd. Alex kom sterkur inn, við áttum Anton til að koma vinstra megin og við eigum Ými inni. Það er oft óþægilegt fyrir liðin þegar hitt liðið fær rautt spjald og ég held að orkan fari ef eitthvað er til okkar þegar þetta gerist,“ sagði Óskar Bjarni að lokum.Arnar: Töpum alltaf þegar mótherjinn fær rautt Arnar Pétursson, þjálfari ÍBV, var ómyrkur í máli að leik loknum. „Þetta er mjög grátlegt og það eru tilfinningar að bærast innan með manni sem eru ógeðslegar. Ég þarf að skoða leikinn í heild sinni og mínar ákvarðanatökur og hvað við erum að gera. Mér fannst fyrri hálfleikurinn vera ofboðslega flottur hjá okkur, við skorum 16 mörk á Valsarana og hefðum í raun átt að skora meira,“ sagði Arnar. „Sóknarleikurinn var mjög góður en varnarleikurinn var það ekki en miðað við hvernig fyrri hálfleikurinn var þá var ég mjög svekktur með hvernig seinni hálfleikurinn þróaðist og hvernig sóknarleikurinn fjaraði út.“ Josip Juric Grgic fékk rautt spjald í leiknum en það virtist ekkert hafa hjálpað Eyjamönnum. „Josip var búinn að halda þeim á floti, hann var okkur erfiður, en það koma klókir og hungraði strákar inn í staðinn. Við höfum verið í þessu að fá dæmd rauð spjöld og einhvern veginn þá töpum við alltaf leikjunum. Maður er eiginlega farinn að vona að það koma engin rauð spjöld,“ sagði Arnar. Arnari fannst það ekki trufla sína menn mikið að vera með þá pressu á sér sem fylgir því að vera sigurstranglegra liðið. „Mér fannst við spila þannig í 40 mínútur að það væri ekkert að trufla okkur en kannski þegar á reyndi og við þurftum að klára þetta að þá hafi þetta verið bakvið eyrað á okkur.“ Að lokum var eins og menn skorti þor og sjálfstraust og sagði Arnar að hann hefði fundið fyrir hræðslu hjá sínum mönnum. „Ég er algjörlega sammála þér, við náðum ekki að skapa okkur færin sem við vorum búnir að gera framan af. Við spiluðum á sjö sóknarmönnum mikið af leiknum, okkur líður vel þannig og ég þarf að skoða hvort það voru mistök að byrja leikinn þannig,“ sagði Arnar. „Þetta er hörmulegt fyrir okkur og stuðningsmenn okkar og fyrir handboltann líka, ég held að þetta sé hvergi svona eins og hérna, þannig að þetta er afskaplega sorglegt.“ Arnar vildi þá þakka Eyjamönnum fyrir tímabilið. „Ég vil bara þakka þeim fyrir þeirra vinnu. Við settum þetta líka upp þannig að við ætluðum okkur að njóta þeirra forréttinda sem við búum við hérna að spila í þessari umgjörð og við þessar aðstæður. Þetta er ofboðslega svekkjandi og við munum eflaust gráta þetta í nokkrar vikur en við höldum áfram og þurfum að bæta okkur á öllum sviðum.“ sagði Arnar að lokum.Vignir: Litum ekki á okkur sem litla liðið Vignir Stefánsson, hornamaður Vals, var gríðarlega sáttur að leikslokum. „Þetta er miklu meira en nokkuð ánægjulegt, þetta er geggjað. Við vorum mjög fókuseraðir allan tímann og vissum að þetta yrði stál í stál og við erum bara drullu ánægðir,“ sagði Vignir. „Þetta eru klárlega langskemmtilegustu leikirnir, við vorum hérna líka fyrir 1-2 árum í undanúrslitum, þá var þetta eins, þetta er alltaf geggjað og því miður og ekki því miður þá er þetta búið.“ Vignir átti sjálfur mjög góðan leik en hann var markahæstur ásamt tveimur öðrum með sjö mörk. „Þetta er miklu meira en bara einhver einn sem á góðan leik, það þarf svo margt að spila saman og þetta opnaðist fyrir mig í dag og ég er mjög sáttur,“ sagði Vignir. Margir töldu ÍBV vera betra lið fyrirfram en Vignir vildi ekki meina að Valur væri „minna liðið“ í viðureigninni. „Við litum ekkert á okkur sem „underdogs“ hvort sem það er í bikar eða deild eða úrslitakeppni. Þeim var klárlega spáð velgengi og þeir eru með svakalega gott lið þannig að þetta hentaði okkur í dag,“ sagði Vignir. „Þegar álagið var sem mest bitnaði það svolítið á okkur í deildarleikjunum. Það geta allir talað um þreytu í hópnum en við spilum bara okkar leik og það er að skila árangri.“Tweets by visirhandbolti Olís-deild karla Mest lesið „Úrslitin kostuðu Ten Hag starfið“ Enski boltinn Losnar stjarna Aþenu úr frystiklefa Brynjars Karls? Körfubolti Barnshafandi eftir langt ferli sem tók á andlega Íslenski boltinn Uppgjör og viðtöl: Höttur - Valur 97-102 | Valsmenn í undanúrslit eftir framlengdan leik á Egilsstöðum Körfubolti Á barmi gjaldþrots og Ásdís gæti misst fríar máltíðir Fótbolti Uppgjör og viðtöl: Álftanes - Keflavík 85-114 | Sjóðheit Keflavíkursókn blés nýliðana burt Körfubolti Kári Vagn náði níu pílna leik og stefnir á Ally Pally Sport Umfjöllun: Valur - Minaur Baia Mare 36-28 | Fara út með átta marka forskot Handbolti Einar Árni hættur hjá Hetti Körfubolti Ótrúlegur lækningamáttur í dalnum vekur furðu Íslenski boltinn Fleiri fréttir „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Haukur og félagar byrja undanúrslitin vel Þýðir ekki að mæta með hangandi haus: „Það er ekkert bull“ „Hef enga trú á því að Þjóðarhöll verði risin árið 2031“ Fjórtán íslensk mörk og Magdeburg á toppinn Úlfurinn gæti farið til Magdeburg Svona var blaðamannafundur Snorra Steins Perla frá Perlu eitt af flottustu mörkum undankeppninnar Hvað viltu meira? „Góð aðventa með handbolta og skíðum“ Hergeir til Hauka Arnar Freyr öflugur í góðum sigri Melsungen Sveinn Andri samdi við Stjörnuna Ísland í erfiðum riðli á EM Sjá meira
Valur er kominn í undanúrslit Olís-deildar karla eftir ótrúlegan eins marks sigur, 26-27, á ÍBV í oddaleik í Eyjum í dag. Stemningin í húsinu var rosaleg fyrir leik og var húsið þegar orðið fullt næstum klukkutíma fyrir leik. Margir töldu ÍBV vera sigurstranglegra liðið í þessar viðureign og jafnvel öllu mótinu. Annað kom þó á daginn. Eyjamenn byrjuðu leikinn af krafti. Fyrri hálfleikurin spilaðist frábærlega hjá þeim og þeir voru tveimur mörkum yfir í hálfleik 16-14 en munurinn hefði hæglega getað orðið meiri. Vendipunktur leiksins var líklega í byrjun seinni hálfleiks þegar Josip Juric Grgic fékk að líta beint rautt spjald fyrir spark á viðkvæman stað hjá Róberti Aroni Hostert að því er virtist. Josip hafði verið gríðarlega öflugur í leiknum og bjóst maður við að ÍBV myndi ganga á lagið og klára leikinn. Valsmenn skoruðu þá þrjú mörk í röð og jöfnuðu leikinn. Þá voru 20 mínútur eftir og heilt yfir var Valur sterkari aðilinn það sem eftir lifði leiks. Liðin skiptust á að skora en það var ekki fyrr á 56. mínútu sem Valur komst yfir í leiknum. Á síðustu mínútu skoraði Sveinn Aron Sveinsson sigurmarkið fyrir Val þar sem Sigurbergur Sveinsson lét verja frá sér í síðustu sókn Eyjamanna. Gleði Valsmanna var ósvikin en Eyjamenn sátu eftir í sárum þar sem tímabili þeirra er lokið í ár. Valur fer í undanúrslit og mætir Fram sem vann hádramatískan sigur á Haukum á sama tíma.Óskar Bjarni: Enginn draumur að mæta ÍBV Óskar Bjarni Óskarsson, annar þjálfara Vals, var hæstánægður eftir sigurinn á ÍBV. „Eyjamenn eru með flott lið og þessi leikur var stórkostlegur. Þeir virtust alltaf vera skrefi á undan en svo komumst við einu marki yfir og setjum pressuna á Eyjamenn og við náðum að sigla þessu heim,“ sagði Óskar Bjarni eftir leik. Valsmenn hafa yfirleitt verið undir mestmegnis af leikjunum, var það planið í dag að vera nokkrum undir og eiga nóg eftir á lokamínútunum? „Já, það var þannig, mér fannst við vera verri í fyrsta leiknum en við viljum alveg vera 2-3 mörkum undir í hálfleik, það er allt í lagi en þeir eru svo fljótir að fara í í 6-7. Þetta snýst stundum um að reyna að halda ró og halda í þá, þó það þýði ekki endilega að þú vinnir þá þannig,“ sagði Óskar Bjarni. „Við náðum betri varnarleik í seinni hálfleik, það er erfitt að spila á móti sjö sóknarmönnum, mér finnst þeir útfæra það mjög vel. Þeir eru með menn sem geta skorað úr öllum stöðum, það kom smá neisti í okkur þegar við fáum rauða spjaldið.“ Margir Eyjamenn náðu sér ekki á strik í dag og markvarslan í seinni hálfleik var mjög léleg sem Valsmenn nýttu sér. „Við skutum nokkuð vel, ég hélt að Stephen myndi loka þessu þegar hann kom aftur inn. Kolli átti nokkrar góðar vörslur en Bubbi var sigurvegari markmannanna í dag, 45 ára eitthvað svoleiðis. Hann verður bara betri og betri ef hann fær að spila hálftíma og hálftíma,“ sagði Óskar Bjarni. Fyrirfram var ÍBV talið sigurstranglegra liðið og sagði Óskar að það hefði hentað sínu liði ágætlega. „Það er oft erfitt fyrir okkur Íslendingana að vera í þessari stöðu, ÍBV var að mínu mati liðið sem þurfti að fara í gegnum hvort það sem það var í 8-liða eða undanúrslitum. Það er þægilegra að þurfa bara að vinna þá tvisvar og eru líklega með sterkasta byrjunarliðið,“ sagði Óskar Bjarni. „Þeir voru rosa heitir fyrir úrslitakeppnina þannig að þetta var enginn draumur, ég skal viðurkenna það. Fyrir okkur er þetta líka erfitt andlega því við erum að fara í undanúrslit Evrópukeppni næsta laugardag. Þetta er skemmtilegt vandamál sem við erum að glíma við.“ Óskar Bjarni sagði að hann hefði þegið þetta fyrir mót. „Að sjálfsögðu, við getum oft verið sjálfum okkur verstir en þegar við náum að halda planinu okkar þá erum við mjög góðir,“ sagði þjálfarinn. Josip Juric Grgic fékk að líta rauða spjaldið í upphafi seinni hálfleik en það virtist gefa gestunum byr undir báða vængi. „Ég sá ekki brotið hjá honum þannig að ég get ekki tjáð mig um það en við höfum góða breidd. Alex kom sterkur inn, við áttum Anton til að koma vinstra megin og við eigum Ými inni. Það er oft óþægilegt fyrir liðin þegar hitt liðið fær rautt spjald og ég held að orkan fari ef eitthvað er til okkar þegar þetta gerist,“ sagði Óskar Bjarni að lokum.Arnar: Töpum alltaf þegar mótherjinn fær rautt Arnar Pétursson, þjálfari ÍBV, var ómyrkur í máli að leik loknum. „Þetta er mjög grátlegt og það eru tilfinningar að bærast innan með manni sem eru ógeðslegar. Ég þarf að skoða leikinn í heild sinni og mínar ákvarðanatökur og hvað við erum að gera. Mér fannst fyrri hálfleikurinn vera ofboðslega flottur hjá okkur, við skorum 16 mörk á Valsarana og hefðum í raun átt að skora meira,“ sagði Arnar. „Sóknarleikurinn var mjög góður en varnarleikurinn var það ekki en miðað við hvernig fyrri hálfleikurinn var þá var ég mjög svekktur með hvernig seinni hálfleikurinn þróaðist og hvernig sóknarleikurinn fjaraði út.“ Josip Juric Grgic fékk rautt spjald í leiknum en það virtist ekkert hafa hjálpað Eyjamönnum. „Josip var búinn að halda þeim á floti, hann var okkur erfiður, en það koma klókir og hungraði strákar inn í staðinn. Við höfum verið í þessu að fá dæmd rauð spjöld og einhvern veginn þá töpum við alltaf leikjunum. Maður er eiginlega farinn að vona að það koma engin rauð spjöld,“ sagði Arnar. Arnari fannst það ekki trufla sína menn mikið að vera með þá pressu á sér sem fylgir því að vera sigurstranglegra liðið. „Mér fannst við spila þannig í 40 mínútur að það væri ekkert að trufla okkur en kannski þegar á reyndi og við þurftum að klára þetta að þá hafi þetta verið bakvið eyrað á okkur.“ Að lokum var eins og menn skorti þor og sjálfstraust og sagði Arnar að hann hefði fundið fyrir hræðslu hjá sínum mönnum. „Ég er algjörlega sammála þér, við náðum ekki að skapa okkur færin sem við vorum búnir að gera framan af. Við spiluðum á sjö sóknarmönnum mikið af leiknum, okkur líður vel þannig og ég þarf að skoða hvort það voru mistök að byrja leikinn þannig,“ sagði Arnar. „Þetta er hörmulegt fyrir okkur og stuðningsmenn okkar og fyrir handboltann líka, ég held að þetta sé hvergi svona eins og hérna, þannig að þetta er afskaplega sorglegt.“ Arnar vildi þá þakka Eyjamönnum fyrir tímabilið. „Ég vil bara þakka þeim fyrir þeirra vinnu. Við settum þetta líka upp þannig að við ætluðum okkur að njóta þeirra forréttinda sem við búum við hérna að spila í þessari umgjörð og við þessar aðstæður. Þetta er ofboðslega svekkjandi og við munum eflaust gráta þetta í nokkrar vikur en við höldum áfram og þurfum að bæta okkur á öllum sviðum.“ sagði Arnar að lokum.Vignir: Litum ekki á okkur sem litla liðið Vignir Stefánsson, hornamaður Vals, var gríðarlega sáttur að leikslokum. „Þetta er miklu meira en nokkuð ánægjulegt, þetta er geggjað. Við vorum mjög fókuseraðir allan tímann og vissum að þetta yrði stál í stál og við erum bara drullu ánægðir,“ sagði Vignir. „Þetta eru klárlega langskemmtilegustu leikirnir, við vorum hérna líka fyrir 1-2 árum í undanúrslitum, þá var þetta eins, þetta er alltaf geggjað og því miður og ekki því miður þá er þetta búið.“ Vignir átti sjálfur mjög góðan leik en hann var markahæstur ásamt tveimur öðrum með sjö mörk. „Þetta er miklu meira en bara einhver einn sem á góðan leik, það þarf svo margt að spila saman og þetta opnaðist fyrir mig í dag og ég er mjög sáttur,“ sagði Vignir. Margir töldu ÍBV vera betra lið fyrirfram en Vignir vildi ekki meina að Valur væri „minna liðið“ í viðureigninni. „Við litum ekkert á okkur sem „underdogs“ hvort sem það er í bikar eða deild eða úrslitakeppni. Þeim var klárlega spáð velgengi og þeir eru með svakalega gott lið þannig að þetta hentaði okkur í dag,“ sagði Vignir. „Þegar álagið var sem mest bitnaði það svolítið á okkur í deildarleikjunum. Það geta allir talað um þreytu í hópnum en við spilum bara okkar leik og það er að skila árangri.“Tweets by visirhandbolti
Olís-deild karla Mest lesið „Úrslitin kostuðu Ten Hag starfið“ Enski boltinn Losnar stjarna Aþenu úr frystiklefa Brynjars Karls? Körfubolti Barnshafandi eftir langt ferli sem tók á andlega Íslenski boltinn Uppgjör og viðtöl: Höttur - Valur 97-102 | Valsmenn í undanúrslit eftir framlengdan leik á Egilsstöðum Körfubolti Á barmi gjaldþrots og Ásdís gæti misst fríar máltíðir Fótbolti Uppgjör og viðtöl: Álftanes - Keflavík 85-114 | Sjóðheit Keflavíkursókn blés nýliðana burt Körfubolti Kári Vagn náði níu pílna leik og stefnir á Ally Pally Sport Umfjöllun: Valur - Minaur Baia Mare 36-28 | Fara út með átta marka forskot Handbolti Einar Árni hættur hjá Hetti Körfubolti Ótrúlegur lækningamáttur í dalnum vekur furðu Íslenski boltinn Fleiri fréttir „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Haukur og félagar byrja undanúrslitin vel Þýðir ekki að mæta með hangandi haus: „Það er ekkert bull“ „Hef enga trú á því að Þjóðarhöll verði risin árið 2031“ Fjórtán íslensk mörk og Magdeburg á toppinn Úlfurinn gæti farið til Magdeburg Svona var blaðamannafundur Snorra Steins Perla frá Perlu eitt af flottustu mörkum undankeppninnar Hvað viltu meira? „Góð aðventa með handbolta og skíðum“ Hergeir til Hauka Arnar Freyr öflugur í góðum sigri Melsungen Sveinn Andri samdi við Stjörnuna Ísland í erfiðum riðli á EM Sjá meira
Uppgjör og viðtöl: Höttur - Valur 97-102 | Valsmenn í undanúrslit eftir framlengdan leik á Egilsstöðum Körfubolti
Uppgjör og viðtöl: Álftanes - Keflavík 85-114 | Sjóðheit Keflavíkursókn blés nýliðana burt Körfubolti
Uppgjör og viðtöl: Höttur - Valur 97-102 | Valsmenn í undanúrslit eftir framlengdan leik á Egilsstöðum Körfubolti
Uppgjör og viðtöl: Álftanes - Keflavík 85-114 | Sjóðheit Keflavíkursókn blés nýliðana burt Körfubolti