Erlent

Uppreisnarmenn gerðu óvænt áhlaup á austurhluta Damaskus

Atli Ísleifsson skrifar
Damaskus er að langmestu leyti undir stjórn Bashar al-Assads Sýrlandsforseta.
Damaskus er að langmestu leyti undir stjórn Bashar al-Assads Sýrlandsforseta. Vísir/AFP

Sýrlenski stjórnarherinn hefur staðið í hörðum bardögum í höfuðborginni Damaskus frá því í gær þegar uppreisnarmenn gerðu óvænt áhlaup í austurhluta borgarinnar.

Eldflaugar og sprengjur úr sprengjuvörpum lentu í miðborginni en uppreisnarmenn hafa einnig beitt bílsprengjum og sjálfsmorðsárásum í sókn sinni.

Herinn segist hafa náð að hrinda árásinni en herþotur stjórnarinnar beittu loftárásum á sveitir uppreisnarmanna.

Damaskus er að langmestu leyti undir stjórn Bashar al-Assads Sýrlandsforseta en uppreisnarmenn hafa þó haft nokkur hverfi í austurhlutanum á sínu valdi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira