Golf

Tiger gæti misst af Masters

Henry Birgir Gunnarsson skrifar
Mun Tiger snúa aftur á golfvöllinn eða gefst hann upp og hættir?
Mun Tiger snúa aftur á golfvöllinn eða gefst hann upp og hættir? VÍSir/getty

Tiger Woods mun ekki taka þátt í boðsmóti Arnold Palmer í næstu viku og ekki er vitað hvenær hann snýr aftur út á golfvöllinn.

Þessi fyrrum besti kylfingur heims hefur ekki spilað síðan hann meiddist í bakinu í upphafi febrúarmánaðar.

Tiger hefur unnið Masters-mótið fjórum sinnum á ferlinum en þetta skemmtilega fyrsta risamót ársins hefst þann 6. apríl næstkomandi.

„Ég er mjög vonsvikinn að missa af næsta móti því ég vildi heiðra Arnold. Þetta er mót sem ég vildi alls ekki missa af því mér þótti svo vænt um Arnold,“ sagði Tiger svekktur.

„Ég leit á Arnold sem náin vin. Hans verður sárt saknað og það mun aldrei neinn koma í hans stað.“

Palmer lést í september á síðasta ári. 87 ára að aldri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira