Formúla 1

Kimi Raikkonen fljótastur á lokaæfingunni fyrir tímabilið í Formúlu 1

Kristinn Ásgeir Gylfason skrifar
Kimi Raikkonen á Ferrari á lokadegi æfinga.
Kimi Raikkonen á Ferrari á lokadegi æfinga. Vísir/Getty

Kimi Raikkonen á Ferrari fór hraðast allra í dag og raunar hraðar en nokkur annar á æfingum fyrir tímabilið í ár. Raikkonen var eini ökumaðurinn sem komst undir eina mínútu of 19 sekúndur.

Raikonen fór auk þess talsverða vegalengd, hann ók 111 hringi. Carlos Sainz á Toro Rosso og Lance Stroll á Williams fóru hins vegar 132 hringi hvor. Lance Stroll hefur átt batnandi gegni að fagna eftir erfiða fyrstu æfingalotu í síðustu viku.

Sergio Perez fór 128 hringi á Force India bílnum. Aðrir ökumenn komust ekki yfir 100 hringi. Fernando Alonso átti ekki góðan dag um borð í McLaren bílnum. Hann komst 43 hringi en bilanir trufluðu ítrekað framgang æfingarinnar hjá Alonso.

Valtteri Bottas á Mercedes bílnum. Vísir/Getty

Max Verstappen var annar fljótasti maður dagsins, átta tíundu úr sekúndu á eftir Raikkonen. Verstappen var á sömu dekkjagerð og Ferrari bíll Raikkonen. Spurning er þó hvort Red Bull hafi nokkuð viljað sýna öll spil sín í dag. Líklegt þykir að Ferrari hafi lagt hart að bílnum í dag og það hafi skilað þessum leifturfljóta hring.

Mercedes liðið ók samtals 107 hringi í dag en Lewis Hamilton varð fimmti fljótasti í dag og Valtteri Bottas var fjórði.

Stærsta spurningin sem æfingarnar skilja eftir er hvort Ferrari liðið hafi raunverulega tekið framfaraskref sem færir liðið upp að hlið Mercedes liðsins. Það verður fyrst í tímatökunni í Ástralíu sem goggunarröðin verður ljós.


Tengdar fréttir

Vettel fljótastur og fór lengst á Ferrari

Sebastian Vettel á Ferrari var þriðjungi úr sekúndu fljótari en Lewis Hamilton á Mercedes á þriðja æfingadegi seinni æfingalotunnar fyrir komandi tímabil í Formúlu 1.

Valtteri Bottas fljótastur á öðrum æfingadegi

Finnski ökumaður Mercedes liðsins, Valtteri Bottas var fljótastur á öðrum degi seinni æfingalotunnar fyrir komandi tímabil í Formúlu 1. Max Verstappen á Red Bull fór lengst, 102 hringi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira