Bakþankar
Jón Sigurður Eyjólfsson.

Hagræðingin er að heppnast

Jón Sigurður Eyjólfsson skrifar

1) Það eru ekki lengur til sveitabæir heldur aðeins fá og stór iðnaðarbýli.
2) Lítil þorp eru að verða sumarhúsabyggðir fyrir okkur þar sem ekki þarf að eyða í þjónustu eins og skóla og sveitarstjórnir. Víða þrjóskast menn þó við, svo þetta getur tekið tíma.
3) Litlu matvöruverslanirnar eru horfnar. Nú eru fáar stórar verslunarkeðjur einar um fjörið.
4) Litlu útgerðirnar og frystihúsin eru næstum öll horfin. Nú sjá risarnir um að veiða og verka með tilhlýðilegri hagkvæmni.
5) Allt er að fara í stærri einingar sem risastóru einingarnar okkar taka síðan yfir.
6) Unnið er að því með vilhöllum stjórnmálamönnum að taka yfir þá þætti heilbrigðis-, mennta- og samgöngumála sem hagnast má á.
7) Reiðufé er að hverfa og ef allt gengur eftir mun fólk ekki geta borgað barnapíunni án þess að við fáum þóknun. Þá getum við líka stjórnað því betur hvað fólk gerir við sitt fé. Nei, ég meina okkar fé.
8) Skattaskjólin standa styrk eftir nokkurn ágang. Verið er að vinna í að svona lekar endurtaki sig ekki.
9) Verið er að vinna í því líka að fá páfann til að halda kjafti.
10) Brauðs- og leikaaðferðin gerir það gott. Fólk fettir ekki fingur út í ranglætið meðan það er með fullan maga og getur gleymt sér við innihaldsrýra skemmtan.
11) Síðasta hrun gagnaðist vel við að endurheimta fé og koma því á færri hendur.
12) Við erum að ná völdum og þegar TISA-samningurinn verður fullkomlega innleiddur verða stjórnmálaöfl ekki lengur til trafala.
13) En ekki er kálið sopið þó í pottana sé komið. Enn á fátækari helmingur jarðar á við átta okkar. Það er því nóg til að hagræða enn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Skoðun

Bakþankar

Ekki ein

María Bjarnadóttir skrifar

Bakþankar

Gula RÚV

Sirrý Hallgrímsdóttir skrifar

Bakþankar

Daður

Þórarinn Þórarinsson skrifar

Sjá meira