Viðskipti innlent

Lindex opnar í Reykjanesbæ

sunna karen sigurþórsdóttir skrifar
Frá opnun Lindex í Smáralind.
Frá opnun Lindex í Smáralind. vísir

Verslunin Lindex verður opnuð í Krossmóa í Reykjanesbæ þann 12. ágúst næstkomandi. Samningur þess efnis hefur verið undirritaður af Urtusteini fasteignafélagi og forráðamönnum Lindex.

Um verður að ræða 330 fermetra verslun sem verður staðsett í aðalgangi verslunarmiðstöðvarinnar.Í tilkynningu frá fyrirtækinu segir að nýja verslunin verði byggð upp með nýrri innréttingahönnun Lindex en hún byggir á björtu yfirbragði, ólíkum litbrigðum hvítra og svartra auk viðar.

Lindex rekur nú fjórar verslanir á Íslandi; í Smáralind, Kringlunni og Glerártorgi á Akureyri.

 „Þetta er frábært næsta skref fyrir okkur en við opnuðum Lindex í Smáralind árið 2011, í Kringlunni árið 2013 og á Glerártorgi 2014.  Við teljum það vera einstaklega jákvætt að geta nú komið á Suðurnesin þar sem er mikill uppgangur og öflugt samfélag.  Við erum þakklát fyrir hversu vel hefur tekist til með staðsetningu og hlökkum mikið til að bjóða okkar viðskiptavinum á Suðurnesjum upp á tískuupplifun á heimsmælikvarða“ segir Lóa D. Kristjánsdóttir, umboðsaðili Lindex á Íslandi í tilkynningunni.

Verslunarmiðstöðin Krossmói var byggð árið 2008 og fjölþætt þjónusta er í húsinu sem hýsir m.a. verslun Nettó, Lyfju apótek og ÁTVR á Suðurnesjum. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HAGA
1,22
8
242.526
ICEAIR
0,66
11
85.648
MARL
0,29
12
438.347
ORIGO
0
1
497
TM
0
1
1.000

Mesta lækkun dagsins


Félag
Br.%
Fjöldi
Velta*
REGINN
-1,52
8
78.711
EIK
-1,42
5
129.885
REITIR
-1,11
8
236.805
SIMINN
-0,95
10
162.353
N1
-0,82
5
133.850