Lífið samstarf

Tannbursti Guðnýjar fer í sölu víða um heim

Guðný Magnúsdóttir, sem hannaði Fingerprint tannburstann, og Kristín Rögnvaldsdóttir, viðskiptastjóri hjá John Lindsay, við afhendingu vinningsins í Jordan leiknum.
Guðný Magnúsdóttir, sem hannaði Fingerprint tannburstann, og Kristín Rögnvaldsdóttir, viðskiptastjóri hjá John Lindsay, við afhendingu vinningsins í Jordan leiknum.
„Það er auðvitað mikill og óvæntur heiður að tannburstinn sem ég hannaði verði framleiddur af Jordan og seldur víða um heim,“ segir Guðný Magnúsdóttir sem bar sigur úr býtum í Jordan leik sem heildverslunin John Lindsay stóð fyrir nýverið.

Þar gafst almenningi tækifæri að senda inn eigin hönnun á tannburstum og voru 10 þátttakendur valdir í úrslit af sérstakri dómnefnd þar sem m.a. var að finna Hugleik Dagsson.

Jordan leikurinn fór fram í fjölmörgum löndum en tannbursti Guðnýjar sem ber heitið Fingerprint þótti sá flottasti og var hún valinn sigurvegari leiksins. Tannbursti Guðnýjar mun í framhaldinu koma í verslanir í júlí á þessu ári víða um heim en Jordan er einn stærsti tannburstaframleiðandi heims.

Fingerprint verður einn af þeim tannburstum sem framleiddir eru sem 10 ára afmælisútgáfa Jordan Individual sem er mest seldi tannburstinn á Norðurlöndunum.

„Mér datt í hug að nota fingrafar þar sem það er okkar sérkenni eins og tennurnar okkar," segir Guðný en þeir hjá Jordan hrifust mikið af þessari hugmynd hennar.

„Það er einnig skemmtileg tilviljun að sambýlismaður minn er tannlæknir svo hann er að vonum stoltur af þessu,“ segir hún og btæir við að hún hafi tekið þátt í leiknum eiginlega alveg óvart. Guðný starfar sem sölustjóri hjá 1819.is.






Fleiri fréttir

Sjá meira


×