Enski boltinn

Tímabilið ekki búið hjá Kane

Henry Birgir Gunnarsson skrifar
Kane er hann meiddist.
Kane er hann meiddist. vísir/getty

Tottenham hefur greint frá því að liðbönd í ökkla Harry Kane hafi skaddast er Spurs spilaði gegn Millwall.

Kane haltraði snemma af velli í 6-0 sigri Spurs og óttuðust margir stuðningsmenn félagsins að tímabilið væri búið hjá framherjanum.

Kane meiddist á sama ökkla síðasta september og þá missti hann af tíu leikjum.



Spurs segir að meiðslin séu ekki eins alvarleg núna en vill þó ekki skjóta á hvenær hann eigi að geta snúið til baka.

Þó svo Kane hafi misst af mörgum leikjum í vetur er hann engu að síður búinn að skora 24 mörk á leiktíðinni.

Hann er markahæstur í ensku úrvalsdeildinni ásamt Romelu Lukaku, framherja Everton.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira