Fótbolti

Atletico Madrid áfram eftir markalaust jafntefli | Sjáðu samantektina

Óskar Ófeigur Jónsson skrifar

Atletico Madrid fór örugglega áfram í átta liða úrslit Meistaradeildarinnar þrátt fyrir að skora ekki á heimavelli sínum í kvöld.

Atletico Madrid vann 4-2 sigur á Bayer Leverkusen í fyrri leiknum í Þýskalandi og var því í frábærum málum fyrir seinni leikinn.

Atletico Madrid afgreiddu verkefnið af fagmennsku og sáu til sætið í átta liða úrslitum var aldrei í hættu.

Jan Oblak, markvörður Atletico Madrid, þurfti reyndar að velja frábærlega frá þeim Julian Brandt og Kevin Volland en annars skapaði þýska liðið sér ekki mikið í þessum leik.

Angel Correa og Koke fengu báðir færi til að skora fyrir Atletico Madrid en Bernd Leno varði vel frá þeim.

Atletico Madrid komst í úrslitaleikinn í fyrra og eru komnir í átta liða úrslitin í ár ásamt tveimur öðrum spænskum liðum, Barcelona og Real Madrid.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira