Viðskipti innlent

Minni umsvif fataverslana þrátt fyrir aukna kaupgleði

sunna karen sigurþórsdóttir skrifar
Velta fataverslana hefur dregist saman þrátt fyrir mikinn hagvöxt.
Velta fataverslana hefur dregist saman þrátt fyrir mikinn hagvöxt. vísir/vilhelm

Velta í dagvöruverslunum er að aukast jafnt og þétt, og var veltan í febrúar síðastliðnum þremur prósentum meiri en í sama mánuði í fyrra. Að jafnaði hefur velta dagvöxuverslana aukist um sex prósent síðustu tólf mánuði.

Þetta kemur  fram í tilkynningu frá Rannsóknarsetri verslunarinnar. Þar segir að verð á matvælum fari lækkandi. Þar af leiðandi sé magn þess sem keypt er meira en velta í krónum gefur til kynna. Velta áfengisverslunar vex einnig og var átta prósentum meiri í febrúar en í sama mánuði í fyrra.

„Aukinn kaupmáttur og vaxandi væntingar er jafnan ávísun á aukna kaupgleði,“ segir í tilkynningunni, og því veki það athygli að í hinum mikla hagvexti, sem sé að nokkru drifinn áfram af aukinni neyslu, skuli fataverslun dragast saman.

Rannsóknarsetrið ætlar að hluti skýringarinnar sé aukin netverslun frá útlöndum auk þess sem sterkar vísbendingar séu um að landsmenn kaupi stóran hluta fata þegar þeir ferðast til útlanda.

Velta fataverslana var 12,4 prósent minni í febrúar en í sama mánuði í fyrra, en á þessu tólf mánaða tímabili lækkaði verð á fötum um 7,3 prósent.

Þetta á hins vegar ekki við um skóverslun því hún jókst um 23,7 prósent í febrúar. Verð á skóm í síðasta mánuði var 6,1 prósent lægra en í sama mánuði í fyrra.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HAGA
1,22
8
242.526
ICEAIR
0,66
11
85.648
MARL
0,29
12
438.347
ORIGO
0
1
497
TM
0
1
1.000

Mesta lækkun dagsins


Félag
Br.%
Fjöldi
Velta*
REGINN
-1,52
8
78.711
EIK
-1,42
5
129.885
REITIR
-1,11
8
236.805
SIMINN
-0,95
10
162.353
N1
-0,82
5
133.850