Fótbolti

Guardiola: Gleymdum að spila fótbolta í fyrri hálfleik

Óskar Ófeigur Jónsson skrifar
Pep Guardiola lætur sína menn heyra það í kvöld.
Pep Guardiola lætur sína menn heyra það í kvöld. Vísir/Getty

Pep Guardiola, knattspyrnustjóri Manchester City, horfðu upp á sitt lið falla út úr Meistaradeildinni í kvöld. Hann gagnrýndi liðið fyrri hálfleikinn en hrósaði sínum mönnum fyrir þann síðari.

„Við spiluðum frábærlega í seinni hálfleiknum en við gleymdum að spila fótbolta í fyrri hálfleik. Við ætluðum okkur að verjast af grimmd. Við vorum miklu betri í seinni hálfleiknum en það var ekki nóg,“ sagði Pep Guardiola við BT Sport.

„Vanalega erum við að spila góðan fótbolta en við gerðum það ekki í kvöld. Við lærum af þessu. Þetta lið hefur ekki mikla reynslu,“ sagði Guardiola.

„Við sköpuðum samt færi í seinni hálfleiknum en við nýttum þau ekki og þessa vegna erum við úr leik. Föstu leikatriðin eru líka svo mikilvægi á þessu stigi keppninnar. Barcelona og Real Madrid skoruðu bæði mörk úr föstum leikatriðum í síðustu viku. Við vorum ekki til staðar í okkur föstu leikatriðum og við vorum ekki staðar í fyrri hálfleiknum,“ sagði Guardiola.

„Við munum bæta okkur en þessi keppni krefst svo mikils. Stundum þurfa lið bæði að vera sérstök og heppin. Við vorum það ekki í kvöld,“ sagði Guardiola.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira