Erlent

Merkel heimsækir Pútín í maí

Angela Merkel sækist eftir endurkjöri sem kanslari Þýskalands, en þýsku þingkosningarnar fara fram í september.
Angela Merkel sækist eftir endurkjöri sem kanslari Þýskalands, en þýsku þingkosningarnar fara fram í september. Vísir/AFP

Angela Merkel Þýskalandskanslari hyggst heimsækja Moskvu þann 2. maí næstkomandi. Þar mun hún meðal annars funda með Vladimír Pútín Rússlandsforseta.

Pútín greindi frá komandi heimsókn Merkel þegar hann tók á móti forsætisráðherra Bæjaralands, Horst Seehofer, fyrr í dag. Bað Pútín þar Seehofer að skila kveðju til kanslarans.

Heimsókn Merkel verður sú fyrsta sem hún fer í til Rússlands í nærri tvö ár.

Hún mun heimsækja Donald Trump Bandaríkjaforseta til Washington á morgun. Upphaflega stóð til að sá fundur færi fram á þriðjudag en honum var frestað vegna mikils óveðurs sem gekk yfir norðausturströnd Bandaríkjanna fyrr í vikunni og lamaði flugsamgöngur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira