Erlent

Atvinnuumsóknum rignir yfir nýja Ikea verslun í Serbíu

Sunna Karen Sigurþórsdóttir skrifar
Ný verslun í Serbíu á erfitt verkefni fyrir höndum - að yfirfara átján þúsund umsóknir.
Ný verslun í Serbíu á erfitt verkefni fyrir höndum - að yfirfara átján þúsund umsóknir. vísir/afp

Hátt í átján þúsund manns hafa sótt um starf í Ikea verslun í Belgrad í Serbíu sem verður opnuð á næstu mánuðum. Umsóknir hafa streymt hratt inn frá því að verslunin auglýsti eftir fólki í 250 stöðugildi.

Um er að ræða fyrstu Ikea verslunina í Serbíu en hún verður rétt fyrir utan höfuðborgina. Raunar var ein slík búð í Belgrad þegar borgin var hluti af Júgóslavíu, en verslunin varð ekki langlíf.

Nýja Ikea búðin verður opnuð í sumar og stefnt er að því að opna á fjórum öðrum stöðum í landinu í kjölfarið.

Atvinnuleysi í Serbíu er mikið. Það mældist 19,7 prósent á síðasta ári, en íbúar eru 7,2 milljónir talsins. Meðaltekjur Serbans eru í kringum 370 evrur, eða um 43 þúsund krónur, að því er Afp fréttastofan greinir frá.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira