Enski boltinn

Busby-börnin fóru illa með Anderlecht fyrir rúmum 60 árum

Ingvi Þór Sæmundsson skrifar
Busby-börnin léku sér að Anderlecht í fyrstu Evrópuleikjum United.
Busby-börnin léku sér að Anderlecht í fyrstu Evrópuleikjum United. vísir/getty

Manchester United dróst gegn Anderlecht í 8-liða úrslitum Evrópudeildarinnar.

Fyrri leikurinn fer fram á Constant Vanden Stock vellinum í Anderlecht 13. apríl en sá seinni á Old Trafford 20. apríl.

Viðureignin er merkileg fyrir þær sakir að fyrsti Evrópuleikur United var einmitt gegn Anderlecht, 12. september 1956 í Evrópukeppni meistaraliða, forvera Meistaradeildar Evrópu. United vann leikinn 0-2 með mörkum frá Tommy Taylor og Dennis Viollet.

Í seinni leiknum fóru Busby-börnin svo hamförum og unnu 10-0 sigur. Það er stærsti sigur United í Evrópukeppni frá upphafi. Leikurinn fór fram á Maine Road, gamla heimavelli Manchester City, vegna þess að það voru ekki flóðljós á Old Trafford á þeim tíma.

United og Anderlecht mættust aftur í Evrópukeppni meistaraliða haustið 1968. United, sem var ríkjandi Evrópumeistari, fór áfram, 4-3 samanlagt.

Liðin mættust svo í riðlakeppni Meistaradeildar Evrópu haustið 2000. Andy Cole skoraði þrennu í 5-1 sigri United í fyrri leiknum á Old Trafford en Anderlecht vann seinni leikinn 2-1.


Tengdar fréttir

Keane: Kannski er Man Utd of stórt fyrir Mourinho

Roy Keane, fyrrverandi fyrirliði Manchester United, fór hörðum orðum um José Mourinho, knattspyrnustjóra United, eftir 1-0 sigur liðsins á Rostov í 16-liða úrslitum Evrópudeildarinnar í gærkvöldi.

Pogba ekki með gegn Boro

Paul Pogba, dýrasti fótboltamaður allra tíma, missir af leik Manchester United og Middlesbrough á sunnudaginn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira