Fótbolti

Kristianstad tapaði í vítakeppni | Djurgården í undanúrslit

Guðmundur Marinó Ingvarsson skrifar
Hallbera Gísladóttir í landsleik.
Hallbera Gísladóttir í landsleik. vísir/anton

Djurgården er komið í undanúrslit sænsku bikarkeppninnar í fótbolta kvenna en Kristianstad féll úr leik í vítakeppni.

Elísabet Gunnarsdóttir þjálfar lið Kristianstad sem varð að sætta sig við 6-5 tap eftir vítakeppni gegn Kvarrnsveden á útivelli.

Sif Atladóttir lék allan leikinn fyrir Kristianstad en staðan að loknum venjulegum leitkíma og framlengingu var 1-1.

Guðbjörg Gunnarsdóttir varði mark Djurgården og Hallbera Gísladóttir lék allan leikinn í vörninni þegar lið þeirra tryggði sér sæti í undanúrslitum sænsku bikarkeppninnar með 2-0 sigri á Mallbackens á útivelli.

Petronella Ekroth kom Djurgården yfir á 18. mínútu og Annika Elina Kukkonen skoraði seinna markið á 67. mínútu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira