Sport

Finninn fljúgandi er ástæðan fyrir því að þú mátt ekki missa af fyrsta bardaga kvöldsins | Myndband

Tómas Þór Þórðarson skrifar

Gunnar Nelson mætir Alan Jouban á UFC-bardagakvöldi í London í kvöld en útsending hefst á Stöð 2 Sport HD klukkan 21.00. Búist er við því að Gunnar Nelson stígi í búrið um 22.00 en það er góð ástæða fyrir því að byrja að horfa klukkan níu.

Fyrsti bardagi kvöldsins er nefnilega mjög áhugaverður en þar mætast finnski Íraninn Makwan Amirkhani og Arnold Allen í fjaðurvigtinni. Amirkhani er 28 ára gamall strákur sem fæddist í Íran en fluttist síðan til Turku í Finnlandi.

Hann á fimmtán atvinnumannabardaga að baki og hefur unnið þrettán þeirra. Amirkhani kom inn í UFC með látum en hann kláraði Andy Ogle á átta sekúndum.

Finninn byrjaði á fljúgandi hnésparki sem kom Ogle niður og aðeins nokkrum sekúndum seinna var bardaginn stöðvaður. Þetta er einn fljótasti bardagi í sögu UFC og heldur betur innkoma hjá Finnanum.

Bardagann má sjá í spilaranum hér að ofan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira