Innlent

Brotist inn í verslun í nótt og fatnaði stolið

Bjarki Ármannsson skrifar
Lögreglan á höfuðborgarsvæðinu hefur til rannsóknar innbrot í verslun í austurborginni í nótt.
Lögreglan á höfuðborgarsvæðinu hefur til rannsóknar innbrot í verslun í austurborginni í nótt. Vísir/Getty

Lögreglan á höfuðborgarsvæðinu hefur til rannsóknar innbrot í verslun í austurborginni í nótt. Ekki er vitað hver eða hverjir voru að verki en fatnaði var rænt úr versluninni. Tilkynnt var um innbrotið á fimmta tímanum í nótt.

Lögregla handtók einnig farþega leigubíls sem neitaði að greiða fargjaldið og hótaði bílstjóra með ætluðu eggvopni á sjötta tímanum í morgun, að því er fram kemur í dagbók lögreglunnar. Farþeginn var fluttur í fangageymslu við Hverfisgötu.

Þá var sautján ára drengur sömuleiðis handtekinn og vistaður í fangageymslu eftir að óskað var eftir aðstoð lögreglu að húsi í austurbænum um þrjúleytið. Í dagbók lögreglu segir að heimilismenn þar hafi átt í átökum og var einn þeirra handtekinn vegna frekari rannsóknar málsins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira