Fótbolti

Dybala meiddist í sigri Juventus

Guðmundur Marinó Ingvarsson skrifar
Dybala er vonandi ekki mikið meiddur.
Dybala er vonandi ekki mikið meiddur. vísir/getty

Juventus jók forystu sína á toppi ítölsku A-deildarinnar í fótbolta þegar liðið lagði Sampdoria á útivelli 1-0 í dag.

Juventus er nú með 10 stiga forystu á toppi deildarinnar en liðið varð þó fyrir áfalli þegar sóknarmaðurinn Paolo Dybala fór meiddur af leikvelli á 28. mínútu.

Argentínumaðurinn meiddist á læri en gat þó gengið af sjálfsdáðum af leikvelli. Juventus er í góðri stöðu í deildinni en liðið þarf á leikmanninum að halda þegar það mætir Barcelona í Meistaradeildinni í apríl.

Alls er sex leikjum lokið í ítölsku deildinni í dag en Napoli sem er í öðru sæti lagði Empoli í fimm marka háspennuleik.

Úrslit dagsins:
Empoli - Napoli 2-3
Bologna - Chievo 4-1
Crotone - Fiorentina 0-1
Sampdoria - Juventus 0-1
Cagliari - Lazio 0-0
Atalanta - Pescara 3-0



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira