Fótbolti

Buffon kominn með flestar mínútur í búningi Juventus

Guðmundur Marinó Ingvarsson skrifar
Buffon hefur séð marga leikmenn koma og fara á tíma sínum hjá Juventus.
Buffon hefur séð marga leikmenn koma og fara á tíma sínum hjá Juventus. vísir/getty

Enginn hefur leikið fleiri mínútur fyrir Juventus í efstu deild en markvörðurinn Gianluigi Buffon.

Þegar dómarinn flautaði leik Sampdoria og Juventus af í ítölsku A-deildinni í fótbolta í dag var Buffon kominn með 39.681 mínútu í búningi Juventus í deildinni. Það er meira en nokkur annar leikmaður þessa mikla stórveldis.

Buffon gekk til liðs við Juventus frá Parma árið 2001 og hafa meiðsli ekki haldið honum oft utan vallar á árunum 16 fyrir félagið.

Það sem helst setti strik í reikninginn var árið 2006-7 þegar Juventus lék í B-deildinni eftir að hafa verið dæmt niður um deild.

Það styttist í að Buffon leiki 500. leik sinn fyrir félagið og allt bendir til þess að hann hampi ítalska meistaratitlinum í áttunda sinn í vor.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira