Handbolti

Viggó markahæstur í tapi Randers

Guðmundur Marinó Ingvarsson skrifar
Viggó í leik með Gróttu gegn ÍR á síðasta tímabili.
Viggó í leik með Gróttu gegn ÍR á síðasta tímabili. vísir/ernir

Viggó Kristjánsson var markahæstur í liði Randers sem tapaði 23-17 á heimavelli fyrir Kolding í dönsku úrvalsdeildinni í handbolta í kvöld.

Viggó skoraði 6 mörk, þar af 5 úr vítaköstum. Viggó skoraði fimm mörk í fyrri hálfleik en Kolding var 15-11 yfir í hálfleik.

Arnór Freyr Stefánsson átti góða innkomu í mark Randers í seinni hálfleik. Hann varði 8 skot og var með 67% markvörslu en það dugði ekki til því sóknarmenn Randers réðu ekkert við Kasper Hvidt í marki Kolding.

Randers er á botni deildarinnar með 9 stig í 24 leikjum. Kolding er í 6. sæti með 24 stig.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira