Körfubolti

Myndi fara í sturtu hinum megin við götuna

Henry Birgir Gunnarsson skrifar
Stoudemire í leik með Hapoel.
Stoudemire í leik með Hapoel. vísir/getty

Fyrrum NBA-stjarnan Amar'e Stoudemire segir að ef hann væri í liði með homma myndi hann leggja ýmislegt á sig til þess að forðast hann.

„Ég myndi fara í sturtu hinum megin við götuna. Hafa fötin mín klár þar. Ég myndi líka fara aðra leið í líkamsræktina en hann,“ sagði Stoudemire en blaðamaðurinn sem tók viðtalið var svo hissa á þessu svari að hann spurði leikmanninn að því hvort hann væri að grínast?

„Það er alltaf sannleikur í öllum bröndurum.“

Stoudemire er að spila með Hapoel Jerusalem í ísraelska boltanum. Aðrir liðsfélagar hans sögðust ekki hafa neitt á móti því að spila með samkynhneigðum leikmanni.

Er Stoudemire spilaði fyrir NY Knicks var hann sektaður um milljónir fyrir að tala niðrandi um samkynhneigða.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira