Íslenski boltinn

Sindri samdi við Valsmenn

Henry Birgir Gunnarsson skrifar
Sindri Scheving.
Sindri Scheving. mynd/valur.is

Hinn tvítugi Sindri Scheving er kominn aftur til Íslands frá Englandi og samdi við uppeldisfélag sitt, Val.

Sindri hefur undanfarin þrjú ár spilað með enska liðinu Reading en er nú kominn aftur heim.

Þetta er afar efnilegur leikmaður sem hefur spilað 35 leiki fyrir yngri landslið Íslands.

„Ég er mjög ánægður með að skrifa undir hjá Val enda er félagið sem mitt annað heimili, ég ólst upp hérna. Ég hef þegar farið á nokkrar æfingar og það er mjög jákvæður og góður andi í leikmannahópnum og öll umgjörð mjög flott. Ég held að við getum gert spennandi hluti í sumar,“ sagði Sindri við Valur.is.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira