Sport

Gaupi kíkti í Mjölnishöllina: „Markmiðið er gera þetta að miðstöð heimsins í MMA“

Ingvi Þór Sæmundsson skrifar

Mjölnishöllin í Öskjuhlíð var vígð á dögunum.

Öll aðstaða er eins og best verður á kosið og Jón Viðar Arnþórsson, formaður Mjölnis, segir að hún sé sú besta í heimi.

„Það er bara þannig. Við höfum fengið stærstu þjálfara heims, eins og John Kavanagh, hingað og hann hefur aldrei séð eins flotta og góða aðstöðu fyrir MMA. Við erum mjög stoltir af þessu,“ sagði Jón Viðar í samtali við Guðjón Guðmundsson í kvöldfréttum Stöðvar 2.

Formaðurinn segir að um 1400 manns æfi hjá Mjölni.

„Það eru 300-500 manns sem renna hérna í gegn á dag. Það er gríðarlega gróska í þessu og menn segja að þetta sé ein mest vaxandi íþrótt í heiminum í dag,“ sagði Jón Viðar.

Að hans sögn er stefnan að laða stærstu stjörnurnar í MMA til landsins.

„Markmiðið er gera þetta að miðstöð heimsins í MMA og fá allar þessar stjörnur hingað,“ sagði Jón Viðar.

Fréttina í heild sinni má sjá í spilaranum hér að ofan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira