Körfubolti

Sjáðu bestu tilþrifin hjá Martin sem er að fara á kostum í Frakklandi | Myndband

Tómas Þór Þórðarson skrifar
Martin Hermannsson.
Martin Hermannsson.

Martin Hermannsson, landsliðsmaður Íslands í körfubolta, er að fara á kostum á sínu fyrsta ári í atvinnumennskunni en hann spilar með Charleville-Mézieres í frönsku B-deildinni.

Martin hefur í átján leikjum til þessa skorað 17,9 stig að meðaltali í leik, gefið 5,9 stoðsendingar og tekið 4,2 fráköst. Hann spilar að jafnaði 33 mínútur í leik.

Hann var á dögunum valinn í úrvalslið fyrri hluta leiktíðarinnar en vesturbæingurinn hefur þrívegis verið kjörinn besti leikmaður vikunnar fyrir frammistöðu sína.

„Ef að liðið verður á verðlaunapalli í vor verður hann án nokkurs vafa ein helsta ástæðan fyrir því. Þessi 22 ára leikmaður ætti ekki að staldra lengi við í frönsku B-deildinni,“ sagði í umfjöllun um úrvalsliðið og Martin á frönsku síðunni bebasket.fr á dögunum.

Búið er að taka saman flottustu tilþrif Martins á fyrri hluta leiktíðar en þau má sjá í spilaranum hér að neðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira