Sport

Sunna æfir með UFC-stjörnu

Henry Birgir Gunnarsson skrifar
JoJo og Sunna í stuði í Mjölnishöllinni í dag en þar verða þær að taka á því næstu daga.
JoJo og Sunna í stuði í Mjölnishöllinni í dag en þar verða þær að taka á því næstu daga. vísir/stefán

Sunna „Tsunami“ Davíðsdóttir æfir af krafti þessa dagana enda á hún bardaga í Kansas City í lok mánaðarins.

Það verður annar atvinnumannabardagi Sunnu en hún vann sannfærandi sigur í sínum fyrsta bardaga.

Í gær kom til landsins skoska bardagastjarnan Joanne Calderwood og hún mun æfa með Sunnu í tíu daga. Þetta er í fjórða sinn sem Calderwood kemur til Íslands að æfa en hún og Sunna eru góðar vinkonur.

Calderwood er þrítugur Skoti sem var í Invicta á sínum tíma en þar er Sunna að berjast núna. Hún samdi við UFC í desember árið 2013 og er í sjöunda sæti á styrkleikalista UFC í strávigtinni.

Það mun því klárlega hjálpa Sunnu mikið að æfa með JoJo, eins og hún er kölluð, næstu daga og klárt að okkar kona mætir í toppformi til Bandaríkjanna.


Tengdar fréttir

Sunna berst næst í lok mars

Bardagakonan Sunna "Tsunami“ Davíðsdóttir er búin að fá sinn næsta bardaga á atvinnumannaferlinum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira