Veiði

Styttist í að veiðin hefjist á ný

Karl Lúðvíksson skrifar
Uppselt er í vorveiðina í Laxá í Kjós
Uppselt er í vorveiðina í Laxá í Kjós

Veiðimenn hafa talið niður dagana í að nýtt veiðisumar hefjist og þó svo að það sé fátt sem minnir á sumar þessa dagana er engan bilbug að finna á þeim sem ætla út 1. apríl sama hvað tautar og raular.

Veiðin hefst með opnun sjóbirtingsánna en eins eru nokkur vötn sem opn 1. apríl en það þarf að hlána og hlýna hressilega til að þð verði möguleiki á að kasta flugu í þau vötn enda flest að mestu leiti ísilögð.  Það getur þó margt gerst á þessum þremur vikum fram að opnun svo ekki er öll von úti enn.  Árnar aftur á móti eru yfirleitt vel veiðanlegar þrátt fyrir að mikill snjór eða ís sé á ánni enda alltaf einn og einn hylur sem leggst aldrei alveg undir ís.

Vorveiðin í sjóbirtingnum er alltaf mikið stunduð og dæmi um að menn haldi sömu hollunum í áratugi í vinsælli ánum.  Eftir að sleppiskyldan jókst hefur veiðin að sama skapi tekið smá ris upp á við enda eru hrygningarstofnarnir að styrkjast en slíkt ferli getur getið ár eða áratugi svo árnar sem voru orðnar mikið veiddar eiga líklega ennþá mikið inni.  Sum svæðin eru þegar uppseld og þar má t.d. nefna vorveiðina í Laxá í Kjós en eins og unnendur Laxár þekkja hefur hún að geyma geysilega öflugan stofn sjóbirtings og hefur aðsókn í hana verið mikil frá fyrsta degi.  Laus leyfi á önnur skemmtileg svæði má þó finna víða hjá veiðileyfasölum og erfitt að gera upp á milli þeirra.  



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira