Sport

Peningarnir hafa breytt Nate Diaz

Henry Birgir Gunnarsson skrifar
Nate Diaz er ekkert að drífa sig aftur í búrið.
Nate Diaz er ekkert að drífa sig aftur í búrið. vísir/getty

Eddie Alvarez, fyrrum heimsmeistari í léttvigt UFC, er gáttaður á því að Nate Diaz hafi hafnað því að berjast við sig.

Alvarez hefur ekki barist síðan Conor McGregor pakkaði honum saman í nóvember og tók af honum beltið.

„Hann er kominn á peningabragðið og er nú breyttur maður,“ sagði Alvarez um Diaz. Diaz barðist tvisvar við Conor og þénaði ansi vel á því.

Hann hefur líka sagt að hann komi ekki aftur í búrið nema hann fá vel greitt. UFC hefur ekki enn boðið honum þá peninga sem hann vill fá.

„Ég var alveg pottþéttur á því að hann vildi berjast við mig. Hann reif mikinn kjaft við mig í Mexíkó árið 2015 og er alltaf með stæla við mig er við hittumst.“

Alvarez heldur því áfram að bíða eftir andstæðingi. Hann fær ekki bardaga aftur við Conor strax en Tony Ferguson fær væntanlega að berjast við Conor um léttvigtarbeltið þar sem Khabib Nurmagomedov gat ekki barist við hann um síðustu helgi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira